Comun troncón de encina retorciu
que rebulli en la tierra su hondura,
me se hundi tu nombri Estremaura
enel hondu sentil del querel miu.
Nombralti con la sangri es un latíu
que estiendi pol los cerrus su espesura,
comun gritu de alientu i calentura
hincandu en el silenciu su quejiu.
Quieru sentil tu nombri levantau
aventandu la nueva sementera
común sueñu en el airi dispertau.
Quieru velti pingolla
volandera,
una flol en la hiel de tu costau
i un cielu de esperanza en tu bandera.
